Siç edhe u paralajmërua para disa ditësh nga kryeministri Edi Rama, pronarët e objekteve të cilat janë vënë sot nën shenjestrën e IKMT-së, janë përplasur me efektivët e policisë.
Një pronare e një biznesi në Ksamil, të cilës do t’i prishet ndërtesa ka debatuar me një efektiv policie. Në videon e publikuar nga Faxweb, ajo dëgjohet teksa kërkon shpjegim për arsyen e vendimit për prishjen e biznesit të saj.
“Po më bëni shembull, përse? Më sollën një letër, çfarë kam bërë? Jemi në ndonjë kundërvajtje?”,-u shpreh gruaja në Ksamil. Eektivi i policisë nuk i ka dhënë asnjë lloj shpjegimi, por është shprehur ndaj saj me fjalët ”Mos e zgjat shumë me mua po shko futu brenda”.
