Nora Malaj: Me Klajdën dhe me dashurinë për çdo grua e vajzë!

Nga Nora Malaj

Me Klajdën dhe me dashurinë për çdo grua e vajzë! ❤️

Klajda është një aset i LSI-së. Sot dita nisi me diell dhe me shumë dashuri. Një ditë ku energjia pozitive nuk lidhej vetëm me kohën e mirë e diellin e ngrohtë, por dhe me energjinë që u krijua ne grup. Sot daljen në terren e kishim lënë së bashku me Klajdën dhe ekipet tona të terrenit. E kishim vendosur që së bashku me Klajdën do t’u flisnim qytetarëve për programin që LSI iu ka dedikuar grave e vajzave.

ReklamëReklamo në Koha Jonë

Teksa ecnim dhe takonim qytetarë që na mirëprisnin (kishte dhe nga ata që nuk dëshironin të ndalonin, por askush nuk e refuzonte marrjen e programit), m’u kujtua historia që kisha lexuar para disa kohësh dhe nisa t’ua tregoja grupit kur u ndalëm në një pastiçeri për të ngrënë jo petulla 😜, por disa ëmbëlsira me arra kokosi.

“Tre udhëtarë vendosën të trokisnin në derën e një  familjari. Dera u hap dhe e zonja e shtëpisë pa tre  endacakë. Ata pasi e përshëndetën, e pyetën nëse ishte i zoti i shtëpisë brenda. Ajo u thotë që jo. “Ka shkuar në punë dhe ende nuk është kthyer”. Atëherë po e presim, i thanë ata.  Kur të vijë na thërrisni që të mund të hymë brenda.

Kaluan disa orë dhe gruaja doli në rrugë dhe i fton të hyjnë brenda se i shoqi kishte ardhur. Ajo i thotë ne ose vijmë të tre , ose vetëm një. Thuaj që ne jemi Shëndetin, Dashuria dhe Pasuria. Le të zgjedhë njërin nga ne. Gruaja hyri në shtëpi dhe i tha bashkëshortit kë do të zgjedhësh nga këta burra? Burri tha pasurinë. Gruaja u mendua dhe tha shëndetin Pa shëndetin nuk mund të bëjmë asgjë. Në këtë moment hyri vajza dhe ju thotë: Unë them dashuria. Pa dashurinë nuk ke asgjë. Në fund të tre vendosën dhe thanë të vijë dashuria. Gruaja doli jashtë dhe i thotë, le të hyjë Dashuria. Teksa tha këto fjalë ndjeu se të tre burrat u afruan dhe hynë në shtëpi. Ajo u befasua e ju tha:

“Po ju sikur do hynit vetëm njëri? “Eh, i thanë ata, nëse do thojë Pasuria apo Shëndeti do hynte vetëm njëri prej nesh, por kur the Dashuria ne vijmë të tre.

Nuk ka pasuri dhe shëndet pa dashuri. Mos e harroni ketë!”

Teksa ua tregoja të rinjve, ju thashë sesa e rëndësishme është mbështetja, miqësia dhe dashuria . Asgjë nuk bëhet vetëm.

Ndaj jam me Klajdën sot dhe takojmë këdo dhe bisedojmë e nuk rreshtemi së lodhuri, se së pari besojmë te kjo që bëjmë; Së dyti, e mbështesim dhe e duam njëra – tjetrën; Së treti jemi skuadër dhe ekip që garojmë jo për vete,  por për të ardhmen e fëmijëve, nipërve e mbesave tona; dhe së fundi së rrënjët i kemi te familja dhe dashuria për njerëzit.

Kjo është skuadra jonë dhe energjia që përcjellim! Duhet ta duam njëri – tjetrin e të besojmë fort te kauza jonë.

Sot ishte një nga ditët më të bukura të fushatës! Ishte energjia pozitive që përcollëm me Klajdën dhe ekipet tona!

Dhe thoni që dashuria nuk është pasuri e pasurive ! Klajda je një model që na bën të gjithëve krenarë! Të falënderoj me zemër!