Një ditë pas dënimit me 125 vite e dy muaj burg për 17 të akuzuarit për heroinën në Has, Gjykata e Posaçme kundër Korrupsionit dhe Krimit të Organizuar njofton se u ka konfiskuar pasuritë në vlerën e 5 mln euro.
Pasuritë e konfiskuara janë si më poshtë:
-Bar-Restorant, Hotel “ADOR” 1,2,3,4 kat +Podrum, në Rinas, Krujë, me sipërfaqe 3320 m2, sipërfaqe ndërtimi 638 m2, katër kat mbi tokë, një kat nën tokë, me sipërfaqe podrumi 630 m2, kati përdhe 550 m2, kati i dytë 180m2, kati i tretë 30m2, në pronësi të të pandehurit Admir Hoxha, të konfiskohet dhe të kalojë në favor të shtetit.
-Automjeti tip Audi, me targë AA 485 SN, në pronësi të të pandehurit Admir Hoxha, të konfiskohet dhe të kalojë në favor të shtetit.
-Automjeti tip “Porche Cajen” me targa AA323 PE, në pronësi të të pandehurit Esat Mehmeti, të konfiskohet dhe të kalojë në favor të shtetit.
-Automjeti me targa AA 462 AD, “MITSUBISHI”, në pronësi të të pandehurit -Xhevit Shuti, të konfiskohet dhe të kalojë në favor të shtetit.
-Automjeti me targa DR 328 A, të konfiskohet dhe të kalojë në favor të shtetit.
-Automjeti me targa AA 643 UP, në pronësi të të pandehurit Flamur Çelaj, të konfiskohet dhe të kalojë në favor të shtetit.
-Automjeti me targa AA 870 UP, në pronësi të të pandehurit Shkëlqim Avdyli, të konfiskohet dhe të kalojë në favor të shtetit.
-Automjeti Audi A6, me targa AA 593 RN, në pronësi të të pandehurit Saimir Sulejmani, të konfiskohet dhe të kalojë në favor të shtetit.
Dënimi më i lartë nga gjykata është dhënë për Admir Hoxhën me 12 vite burg, i cili ende vazhdon ti shpëtojë forcave të rendit duke u shpallur person më kërkim.
Hajri Seferi dhe Hekuran Hoxha do të qëndrojnë në qeli me nga 10 vite e tetë muaj dhe Esat Mehmeti me 10 vite.
Masa më e lehtë është dhënë për Anila Shytin, e cila do të qëndrojë në dy vite shërbim prove.
Sa i përket Altin Avdylaj, i njohur ndryshe si “Niçja” është dënuar me 6 vite e 8 muaj. Emri i tij u bë i njohur në përgjimet e dosjes “339” fraksion 1, ku bisedohej për votat e Durrësit në zgjedhjet e vitit 2017.
Gjykata ndër të tjera vendosi të sekuestrojë automjete e sekuestruara, telefonat celularë dhe disa prona të tyre, të cilat i kaluan për llogari shtetit.
Operacioni u zhvillua në 22 tetor të 2018 ku u goditen 4 grupe kriminale.
Në operacion u konfiskuan 182 kilogram morfinë e ndarë në 175 pako si dhe 22 litra lëndë e lëngshme që përdorej për prodhimin e heroinës.
Si kreu i ketij grupi që merrej me prodhimin e heroniës dyshohet biznesmeni shkodran Admir Hoxha. Ky i fundit nuk është arrestuar nga policia dhe vazhdon të jetë në kërkim.
Vendimi i Gjykatës së Posaçme është për një nga fraksionet e dosjes se bujshme “339”.
/Ora News