Monitorimi i aktiviteteve publike nuk po ndalon keqpërdorimin e aseteve publike në zgjedhjet elektorale. PD shpreh pakënaqësitë për monitorimin, duke paralajmëruar kallëzime penale për zyrtarët e mazhorancës.
Sipas parashikimeve të Kodit Zgjedhore, Veprimtaritë e tyre publike nuk duhet të përfshihen me procesin elektoral të 11 majit çka ka bërë që pranë KQZ të regjistrohen rreth 3500 kërkesa për autorizim dhe nga ky numër vetëm 6 janë ndaluar.
Ky proces monitorimi për përfaqësuesin e PD-së pranë KQZ-së, Franci Nuri, nuk po jep rezultatin që pritej duke e konsideruar aktivitetin thjeshtë formal. ”Është thjeshtë një proces formal”, tha Nuri. Në mungesë të akteve ndaluese nga KQZ, PD do t’i drejtohet organeve ligjzbatuese. ”Do të denoncojmë asfaltin elektoral në mes të Tiranës”, tha Franci Nuri.
