Gjykata e Apelit të Juridiksionit të Përgjithshëm, ka dhënë dënimin me burgim të përjetë për Kristian Cenaj, i akuzuar për “vjedhje me pasojë vdekjen”.
Ai u fajësua për vrasjen e 16 vjeçarit Mariglen Gjonaj, pas një grabitjeje të një ore “Rolex”. Trupi i Gjonajt u gjet 7 vjet pas ngjarjes, i groposur në Fushë Kuqe.
Krimi ndodhi në vitin 2016, ku dyshohet se Cenaj e ka marrë me forcë në makinë Mariglen Gjonajn për t’i vjedhur sendet me vlerë që mbante me vete, një orë Rolex në dorë dhe një varëse floriri në qafë.
Ora dhe varësja që kishte Marigleni kapnin vlerën e 10 milionë lekëve, ndërsa eshtrat e të riut u gjetën më 3 prill të vitit 2022 në Fushë-Kuqe të Kurbinit.