Protesta para Kryeministrisë është shoqëruar me thirrje të forta kundër qeverisë, ku qytetarët kanë kërkuar dorëheqjen e kryeministrit Edi Rama, madje duke kërkuar që ta dorëzojë sot.
Gjatë tubimit, një prej pjesëmarrësve iu drejtua protestuesve duke theksuar se pakënaqësia nuk lidhet vetëm me çështjen e Zvërnecit, por me situatën e përgjithshme në Shqipëri. Ai akuzoi qeverinë dhe figura të tjera politike, duke deklaruar se problematikat e ngritura lidhen me mënyrën e zhvillimit dhe administrimit të territorit në disa zona të vendit, përfshirë Zvërnecin, Rrjollin dhe Valbonën.
Protestuesi bëri thirrje për dorëheqje dhe ndryshim politik, ndërsa tubimi u zhvillua në një atmosferë me retorikë të ashpër dhe mesazhe kundërshtuese ndaj qeverisë aktuale dhe klasës politike në tërësi.
