Turizmi malor po tërheq gjithnjë e më shumë vizitorë vendas dhe të huaj edhe në zonat që dikur ishin pothuajse të panjohura. Kryeministri Edi Rama ka postuar foto nga Bjeshka e Dobërdolit në Tropojë, zonë kjo që duket sikur ka dalë nga eposi i Kreshnikëve.
Kreu i qeverisë shkruan se kështu po mbahet gjallë tradita e jetës në bjeshkë. ”Dikur një kullotë verore, sot Dobërdoli është shndërruar në një fshat të vogël veror alpin, ku dhjetëra familje tropojane verojnë çdo vit, duke ruajtur gjallë traditën e jetës në bjeshkë”,-shkruan Rama.
Bjeshka e Doberdolit është një bjeshkë e bukur e vendosur në lartësitë e maleve te Tropojës 2200 m mbi nivelin e detit.
