Raporti vjetor i Këshillit të Emërimeve në Drejtësi ka rrëzuar pretendimet e kreut të këtij institucioni, Ardian Dvorani lidhur me emërimin e anëtarëve të Gjykatës Kushtetuese.
Raporti vjetor i KED që është dorëzuar në Kuvend pasqyron veprimtarinë e këtij institucioni lidhur me përzgjedhjen e kandidatëve për në Gjykatën Kushtetuese, ku njeh dekretin e Presidentit Ilir Meta për Besnik Muçin.
Ndërkohë Dvorani në mënyrë të paligjshme pretendon se ka pasur të drejtë që të emëronte ai personalisht Arta Vorpsin.
Raporti pasqyron qartë qëndrimin e KED, si institucion, në përputhje me ligjin dhe kërkesën e Presidentit.
Në këtë mënyrë vet KED rrëzon manipulimin e Dvoranit me vetshpalljen nga ana e tij të Arta Vorpsit si anëtare e Gjykatës Kushtetuese.
Në raport thuhet qartë se KED nuk ka marrë asnjë vendim për Arta Vorpsi, por njeh vendimmarrjen e Presidentit. Ndërsa Dovrani rezulton se i ka dhënë të drejtën vetes të emërojë dhe anëtarët e Gjykatës Kushtetuese, një akt që nuk është parashikuar në Kushtetutë dhe në asnjë ligj.
(Në foto)Pjesë nga raporti vjetor i Këshillit të Emërimeve në Drejtësi për Gjykatën Kushtetuese
