Ndryshimi i çmimit të marrjes së një patente, ka shkaktuar reagime të shumta. Vlera prej 85 mijë lekësh u vendos pas një marrëveshje mes shoqërive të interesit dhe Drejtoria e Përgjithshme të Shërbimeve të Transportit Rrugor.
Në Kosovë, ky kurs kushton 574 euro, përfshirë certifikatat shëndetësore e deri tek aplikimi për marrjen e kartës. Në Maqedoninë e Veriut, një i ri për vetëm 520 euro, mund të marrë patentën për klasin B.
Nëse bëjmë një krahasim me Italinë dhe Greqinë, vende anëtare të Bashkimit Europian, shifra është shumë herë më e lartë. Kursantët duhet të paguajnë mbi 1000 euro, për teorinë dhe praktikën.
Serbia është një nga vendet e rajonit që ka çmimet më të larta të marrjes së patentës, por sërish nuk e kalon Shqipërinë. Kostoja për trajnimin e plotë të një shoferi të ri në teori dhe praktikë është rreth 630 euro.