Dy vëllezër janë konfliktuar dhe sherri ka degjeneruar deri në përdorimin e armëve. Ngjarja ka ndodhur sonte në Fier-Seman të njësisë administrative Gradishtë Divjakë teksa motivet mbeten ende të paqarta.
Dy vëllezërit Zarif dhe Shpëtim Konja janë konfliktuar fillimisht me grushte dhe më pas Zarifi ka qëlluar me armë ndaj vëllait.
Menjëherë pas ngjarjes autori është larguar në drejtim të paditur. Policia ndodhet në vendngjarje ndërkohë që ka sekuestruar armën e gjahut tip karabinë dhe katër gëzhoja.
Shënjestër është bërë dhe një mjet i parkuar në anë të rrugës si dhe tenda e një lavazhi. Policia ka ndaluar për të sqaruar rrethanat Shpëtim Konjën ndërsa në pyetje po merren edhe persona të tjerë dëshmitarë të ngjarjes.
