16 kryebashkiakë socialistë do të hynë në garën e fundit për të drejtuar bashkitë. Në rast se këtë vit nuk do t’i penalizojë vota e qytetarëve, do hyjë në fuqi ligji për vetëqeverisjen vendore të 2015, i cili nuk lejon që kryetari të ushtrojë më shumë se tre mandate të njëpasnjëshme.
Në radhët e socialistëve ka 4 kryebashkiakë që hyjnë në garë për mandatin e tyre të katërt radhazi. Idenë për të kërkuar një punë tjetër mund ta kenë të vështirë tre kryebashkiakë të mazhorancës që drejtojnë bashkinë e Poliçanit, Belshit dhe Maliqit.
Rekordmeni i socialistëve Gëzim Topciu, i zgjedhur i PS-së për të të kërkuar mandatin e shtatë radhazi më 14 Maj, në rast se do të fitojë në këto lokale, pas 4 vitesh do t’i duhet të mendojë për një plan tjetër larg karriges së kryetarit.
Qeverisja vendore do të ndryshojë drejtuese, të paktën nga të majtët, pasi bojkotimi i opozitës në vendoret e 2019, numërimi për ta nis nga 14 maji i 2023.
