Tërmeti i 26 nëntorit të vitit 2019 dhe pandemia e koronavirusit kanë goditur rëndë ekonominë shqiptare.
I ftuar në emisionin Ekopolitikë në RTV Ora nga gazetari Besart Kadia, eksperti i ekonomisë Pano Soko tha se me sasinë e borxheve që është marrë deri më sot, çdo qeveri do e ketë të vështirë të zbatojë politikat e saj ekonomike.
Pano Soko: ”Sot nëpërmjet këtyre gjithë aktiviteteve ekonomike financiare që ka kryer qeveria që aktualisht në pushtet, ka dislokuar të gjitha resurset që zhvillon buxheti i shtetit përgjatë një periudhe viti fiskal. Me sasinë e borxheve që kemi marrë ne deri më sot, i kemi pamundësuar çdo qeverie që do vijë më pas, për të krijuar politika të veta të pavarura. Nuk ka më për shkak të faktit se të gjitha lekët që shkojnë në buxhetin e shtetit, e kanë një destinacion, pra janë pagat, pensionet, pagesat dhe detyrimet.”
