Këtë të enjte qytetarët mbajtën një marshim në sheshin ”Skëndërbej”, kjo për të kundërshtuar projekt ligjin për Surrogacinë, Abortin dhe Shëndetin Riprodhues të Grave dhe Vajzave.
Në shesh u mblodhën dhe firma për peticionin kundër këtij projekt ligji që ende nuk është kaluar për miratim në parlament. Tubimi ”Pro Jetës dhe Familjes” u mbajt nga ”Koalicioni Pro Familjes”, pastori Akil Pano.
Ai mbajti fjalën e tij ku është shprehur se jeta dhe ekzistenca e familjes sonë po kërcënohet dhe fton qytetarët të bashkohen për të firmosur peticionin dhe për të kundërshtuar projekt ligjin për surrogacinë.
