Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL u ka nisur kërkesat me shkrim për vetëdeklarimin e burimeve të pasurisë, të dënuarve:
Fatos Xhambazi, banues në Korçë, i dënuar për veprën penale “Trafikimi i të miturve” kryer në bashkëpunim. Besnik Imeraj, banues në Durrës, i dënuar për veprën penale “Vjedhja me armë”; Lutfi Shabani, banues në Durrës, i dënuar për veprat penale “Trafikimi i narkotikëve” dhe “Prodhimi dhe shitja e lëndëve narkotike”.
Shabani njihet si mik i Shullazit. Ai njihet ndryshe dhe si “Ben Çami”. Shabani akuzohet si organizator i trafikut ndërkombëtar të heroinës nga Turqia në Shqipëri. Në 2016 ai u arrestua si pjesë e një grupi trafikantësh droge në rang ndërkombëtar.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.