Presidenti i Amerikës, Donald Trump thotë se një vendim për Iranin mund të merret brenda 10 ditëve të ardhshme. ”Mund të na duhet të shkojmë një hap më tej, ose mund të mos e bëjmë. Ndoshta do të bëjmë një marrëveshje. Do ta zbuloni gjatë ndoshta 10 ditëve të ardhshme, por ky takim i sotëm është provë se me një lidership të vendosur, asgjë nuk është e pamundur”, tha Trump në takimin inaugurues të Bordit të tij të Paqes në Uashington, DC.
Presidenti ka argumentuar privatisht si pro ashtu edhe kundër veprimeve ushtarake dhe ka anketuar këshilltarë dhe aleatë se cili është kursi më i mirë i veprimit, tha një burim.
Trump i bëri përsëri thirrje Iranit të arrijë një marrëveshje, duke kërcënuar se “gjëra të këqija” do të ndodhin nëse nuk arrihet marrëveshje. ”Tani është koha që Irani të bashkohet me ne në një rrugë që do të përfundojë atë që po bëjmë. Dhe nëse ata bashkohen me ne, kjo do të jetë shumë mirë.
Nëse nuk bashkohen me ne, kjo do të jetë gjithashtu shumë mirë, por do të jetë një rrugë shumë e ndryshme. Ata nuk mund të vazhdojnë të kërcënojnë stabilitetin e të gjithë rajonit dhe duhet të bëjnë një marrëveshje. Nëse nuk ndodh, nuk ndodh. Gjëra të këqija do të ndodhin”, tha Trump.