Kjo urë mbi lumin Zezë të Kurçajt të Krujës është “Monument Kulture”, por mungesa e vëmendjes e ka çuar drejt rrënimit. Rrjedha e lumit e ka dëmtuar, por institucionet përgjegjëse nuk kanë ndërhyrë kurrë. Tashmë është e pakalueshme dhe në rrezik serioz për tu shembur. Deri pak vite më parë u shërbente dhe banorëve të zonës.
“Ka dy vjet që është shembur, se është e vjetur”, thotë një banore.
Banorët e zonës dhe studiuesi Baki Dollma në vazhdimësi kanë ngritur alarmin për gjendjen, por përgjegjësit për ruajtjen e trashëgimisë duket se nuk i dëgjuan kurrë.
“Ka nevojë vetëm për ca meremetimet të vogla. Por me meremetime siç ka qenë, jo ndërhyrje me çimento”, thotë Baki Dollma.
Ura e fshatit Kurçaj u dnërtua rreth shek të XVIII dhe i ka shërbyer rrugës së shkurtër të karvanëve mes Krujës dhe Tiranës. Vitin e kaluar u tha se ishte gati një projekt për ndërhyrje, por deri më tani asgjë nuk është bërë.
/Ora News