Edhe pas disa denoncimeve të Ora News, në disa markete vijojnë të tregtohen produkte të skaduara. Në shumë raste data e prodhimit ose është e paqartë, ose fshihet me lehtësi. AKU njofton se gjatë kësaj periudhe kë bërë 6 mijë inspektime, mes të cilave ka edhe ndëshkime.
Në këto qese që shihni kemi disa produkte, të blera në disa markete, të cilave u ka përfunduar afati i përdorimit, e megjithatë ato u shiten qytetarëve, pa asnjë kontroll.
Këtij produkti, data e të cilit në dukje është e rregullt, mund të fshihet lehtësisht me dorë.
Por ka edhe raste të tjera, kur kjo datë është e paqartë.
Gjatë kësaj periudhe AKU ka kryer 6 mijë inspektime dhe ka vendosur edhe masa administrative.
“Volumi i punës ka qenë i madh, kemi pak a shumë për këtë periudhë rreth 6 mijë inspektime dhe monitorime, kryesisht në njësitë e prodhimit dhe njësitë e tregtimit të produkteve ushqimore, konkretisht në 16 raste ka patur shkelje dhe janë marrë masa gjoba.”
Në dy muajt e fundit supermarketet ishin subjektet që u lejuan të ushtrojnë aktivitetin, ku edhe qytetarët u dyndën më shumë, por duket se siguria ushqimore nuk ka qenë në nivelin e duhur.