
Një tjetër sherr mes vëllezërish është shënuar sot pas atij të mëngjesit të ndodhur në Lushnje.
I njëjti motiv: Prona. Këtë herë në fshatin Midhë të Matit.
Ndërhyrja e policisë parandaloi përshkallëzimin e konfliktit duke arrestuar në flagrancë shtetasin S.S., 61 vjeç, banues në fshatin Midhë, Mat.
Ky shtetas, për motive të pronësie, ishte konfliktuar dhe kishte goditur me sende të forta vëllanë e tij, duke i shkaktuar dëmtime në fytyrë.
Dosja i kalon Prokurorisë së Dibrës.