Një tjetër version për shkakun pse u vranë dy të rinjtë në Malësinë e Madhe del në skenë. Olson Çutaj, vëllai i Vilson Çutaj që u gjet i vrarë me plumb në ballë, është dëshmitari kryesor i ngjarjes së rëndë të ndodhur në fshatin Vrith, më datën 3 tetor. Në rrëfimin që “Shqiptarja.com” zbardh, ai tha se ndodhej nën shoqërinë e vëllait, Vilsonit dhe kushëririn e tyre Klement Pepaj.
Bashkë me ta ka qënë dhe kushëriri i Klementit, Danjel Pepaj. Duke diskutuar për punën e një ngatërrese për punën e një femre, ata kanë rënë dakort për të shkuar së bashku në fshatin Vridh dhe të diskutojnë e të sqarohen. Kur kanë mbëritur në hyrje të fshatit, Vilsoni së bashku me Danjelin dhe Klementin kanë lëvizur në këmbë, ndërsa i kanë pohuar Olsonit që të qëndronte tek një lokal derisa ata të ktheheshin. Pas 30 minuta, Olsoni e ka thirrur Vilsonin në telefon, i cili pasi është përgjigjur, i ka thënë se nuk do të vonohej shumë dhe të priste aty tek lokali.
Olsioni mesa duket i është sosur durimi dhe sërisht e ka telefonuar vëllain e tij Vilsonin por ai nuk i është përgjigjur. Ai ka treguar edhe se ka qëndruar në Vrith deri në mesnatë por nuk ka mundur të konstatojë apo të marrë ndonjë sinjal prej vëllait dhe kushëririt. Mandej i është drejtuar policisë së Shkodrës, ku ka shfaqur merakun e vrasjes dhe se Vilsonit mund ti kishte ndodhur ndonjë gjë. Nisur nga kjo situatë, policia ka ushtruar kontroll në banesën e Daniel Pepaj dhe Klement Pepaj, por nuk ka konstatuar asnjë gjë të paligjshme.
