I dënuari me burgim të përjetshëm, Zani Çaushi u paraqit këtë të hënë në Gjykatën e Korçës me masa të forta sigurie. Ai përmes avokatit ka kërkuar përllogaritjen e plotë të viteve të dënimit që nga momenti i arrestimit, përfshirë kohën e paraburgimit. Në seancë ishin prezent Gjyqtari Ervin Sula, prokurori Genti Stoja dhe avokati i Zani Çaushit, Arben Lena. Shtyrja e seancës u bë pas mungesës së drejtorit të Burgut të Drenovës. Seanca e radhës do të zhvillohet më 29 tetor në orën 10:00.
“Pyetja juaj është logjikë por nga ana juridike edhe për të burgosurin me burgim të përjeshtëm ekziston mundësia e lirimit me kusht. Me kodin e vjetër me të cilin i dënuari Çaushi ka qenë 25 vjeç dhe me kodin e ri është 35-vjeç. Pra, përderisa mundësia e lirimit me kusht për të dënuarin ekziston normalisht logaritja e vuajtjes së dënimit edhe për të burgosurit me burgim të përjetshëm duhet të ekzistojë dhe të jetë e saktë. Në seancën e sotme mungonte përfaqësuesi i IEVP dhe u çel gjykimi ndërsa seanca u shty. Llogaritja e kohës së vuajtjes së dënimit është një problematikë jo vetëm për Zani Çaushin, por edhe për të dënuarit e tjerë. Sugjeroj që Ministria të krijojë një aplikacion për llogaritjen e kohës së vuajtjes së dënimit për të gjithë të burgosurit që është edhe eksperiencë edhe nga vendet e tjera”, tha avokati.
Nga ana tjetër, ai tha se klienti i tij pretendon se ka vuajtur 35 vite heqje lirie dhe jo 25 siç pretendoj burgu, por nuk konfirmoi nëse i dënuari me burg të përjetshëm do të kërkojë lirimin, çështja kërkon interpretim ligjor.
