Kryeministri Edi Rama, përpara 20 orësh bëri me me dije se aeroporti i dytë në vend, pra ai në Kukës do të pagëzohet me emrin: Zayed-Flatrat e Veriut. Përveç pjesëzës “Flatrat e Veriut”, fjala që bën përshtypje është “Zayed”. Një lidhje e ka.
Princi i ndjerë i kurorës së Emirateve të Bashkuara Arab, Zajed bin Sultan Al Nahjan (Zayed bin Sultan Al Nahyan). Ky i fundit ka ndërruar jetë më 2 nëntor të vitit 2004, në moshën 86-vjeçare. Përfshirja nga Emiratet e Bashkuara Arabe në zonën e Kukësit daton që nga Lufta e Kosovës (1999). Emiratet e Bashkuara Arabe kontribuan me shuma të mëdha parash, ndihma humanitare, ndërtuan një kamp refugjatësh shumë efikas për shqiptarët e Kosovës dhe një pistë ajrore për furnizimet e ndihmave hyrëse në Kukës në Shqipërinë Veriore.
“Emiratet e Bashkuara Arabe financuan ndërtimin e një aeroporti i cili përfundoi në 2006 dhe pritej të punësonte më shumë se 200 njerëz, duke ndihmuar ekonominë lokale duke hapur më shumë mundësi turistike për rajonin. Në 2021 emri u ndryshua në Aeroporti Ndërkombëtar Zayed-Flatrat e Veriut nga Kryeministri Edi Rama, për nder të investimeve të Emirateve të Bashkuara Arabe”,-shkruhet në Google.
Po ashtu, Zayed është një emër kuranor indirekt për djemtë që do të thotë “prosperitet”, “me bollëk”, “përparim”.