Tronditja ekonomike në Europë si pasojë e Covid-19, u thellua edhe me heshtjen e BE-së, sidomos për Italinë e gunjëzuar nga virusi vdekjeprurës me të paktën 14 mijë viktima. Presidentja e Komisionit Evropian, Ursula Von der Leyen i kërkoi falje Italisë. duke thënë se ”Tani BE është me ju”.
Kryeministri i Italisë, Giuseppe Conte në përgjigjen e tij e hap mesazhin duke falënderuar Von der Leyen për deklaratën me të cilën shprehu afërsinë dhe solidaritetin për popullin italian dhe në veçanti për personelin e tij shëndetësor, më pas sfidoi Europën për të treguar më shumë ambicie, kurajo dhe shenjë uniteti.
”Fjalët e tua janë provë që italianët ka tronditur ndërgjegjen e të gjithëve, duke kaluar kufijtë kombëtar dhe duke vendosur reflektimin më urgjent sot: atë që Europa është e gatshme të bëjë për Italinë, por për vete”.
Nga ana tjetër, kryeministri Conte thotë edhe në këtë stuhi duhet një varkë e fortë. “Është koha për të treguar më shumë ambicie, më shumë unitet dhe më shumë guxim. Përballë një stuhie si ajo e Covid-19 që prek të gjithë, kemi nevojë për një varkë jetese të fortë, evropiane që do t’i detyrojë vendet tona të bashkuara të strehohen”.