Republika Çeke regjistroi sot, për herë të parë, më shumë se 15 000 raste të reja me COVID-19 në një ditë të vetme, ndërsa vendi lufton për të ndaluar një rritje spirale të numrave të infektimit.
Autoritetet shëndetësore në Pragë raportuan 15 252 raste të reja në 24 orë, duke e çuar totalin e vendit, që nga fillimi i pandemisë në mars, në më shumë se 238 000.
Një total, janë regjistruar 1 971 të vdekur nga COVID-19.
Republika Çeke ka numrin me rritjen më të shpejtë të rasteve për 100 000 banorë në Bashkimin Europian, duke nxitur zbatimin e masave të rrepta për frenimin e virusit.
Banorët lejohen të lënë shtëpitë e tyre vetëm për të punuar, për të blerë gjërat e domosdoshme, për të kërkuar trajtim mjekësor, për t’u stërvitur ose për të vizituar anëtarët e familjes.
Shumica e dyqaneve, përveç supermarketeve dhe farmacive, janë mbyllur.