Pothuajse gjysma e popullsisë së Greqisë (44%) do të refuzojnë të vaksinohen kundër koronavirusit nëse u jepej mundësia dhe 22% nuk duan të mbajnë maskë fytyre.
Kjo u zbulua prej një sondazhi të kryer nga kompania ‘Metron Analysis’ dhe që është botuar në të përjavshmen greke ‘To Vima’.
Qeveria greke ka njoftuar tashmë se vaksina Covid nuk do të jetë e detyrueshme por ajo do të “rekomandohet fuqimisht”.
Midis 45-54 vjeçarëve, përqindja e atyre që do të kundërshtonin vaksinën është 56% ndërsa kjo bie në 54% midis 17 dhe 34 vjeçarëve.
17% e të intervistuarve kundërshtojnë detyrimin për të mbajtur maska në publik, një përqindje që rritet në 28% midis grekëvenë moshë më të re.
Me rreth 11,500 raste dhe 284 viktima, Greqia i është përgjigjur pandemisë më mirë se çdo vend tjetër europian. Mbi gjysma e infeksioneve janë regjistruar vetëm në muajin gusht.