Nuk është një telenovelë, nga ato që shohim në ekranin e televizionit çdo ditë, por një ngjarje e vërtetë.
Xhaxhai që detyron nipin 13-vjeçar të qëllojë me armë zjarrin rivalin e tij në dashuri.
Sipas mediave italiane, 31-vjeçari, i identifikuar si Manuel Poffa, kishte qenë “rivali në dashuri” i xhaxhait të djalit që bëri plagosjen.
Xhaxhai 27-vjeçar i ka dorëzuar nipit një pistoletë me kalibër 22, duke e udhëzuar që të shkonte tek Poffa dhe ta qëllonte me ngjarjen e rrallë që ndodhi të premten në Montichiari, Brescia.
13-vjeçari ka pritur në biçikletë derisa Poffa të dilte nga banesa, e pasi e ka parë e ka qëlluar duke u larguar me shpejtësi nga vendi i ngjarjes.
Momenti është filmuar nga kamerat e sigurisë, falë të cilave u bë më pas edhe arrestimi I xhaxhit dhe nipit minoren.
31-vjeçari mori një plumb në shpatull dhe për këtë arsye u detyrua ti nënshtrohej një ndërhyrjeje kirurgjikale.
Xhaxhai dhe nipi u arrestuan nga policia dhe tashmë do të përballen me akuzat për tentativë vrasje dhe armëmbajtje pa leje.
Hetimet nga Karabinierët vazhdojnë me qëllim rindërtimin e saktë të dinamikës së sulmit dhe çdo detaj tjetër. Ndërkohë do të merret në pyetje edhe vajza, dashurinë e së cilës e pretendojnë 27 dhe 31-vjeçari, raporton Ora News.