Ditën e sotme, Ministria e Punëve të Jashtme të Francës ka njoftuar se disa kufizime kundër COVID-19, për udhëtimet jashtë Bashkimit Evropian, do të lehtësohen.
Ministria e Jashtme Franceze tha në një deklaratë se udhëtarët nga Australia, Zelanda e Re, Koreja e Jugut, Izraeli, Japonia, Britania dhe Singapori nuk do të kishin më nevojë për prova të forta për të udhëtuar.
Ministri francez i Turizmit Jean-Baptiste Lemoine tha se relaksimi ishte për shkak të përmirësimit të shëndetit në ato vende.
“Lista përfshin edhe Britaninë, sepse tani varianti britanik është gjithashtu gjerësisht i përhapur edhe në Francë”, shkroi ai në një deklaratë në rrjetet sociale.
Të gjitha kufizimet e tjera, të tilla si kërkimi i një testi negativ Covid-19 më pak se 72 orë para udhëtimit, do të mbeten në fuqi, shtoi ministria dhe dekreti do të lëshohet nesër, e Premte.
Lemoine shtoi se për vendet e tjera jashtë Bashkimit Europian lista e rregullave për të udhëtuar do të zgjerohet për të marrë parasysh situatat familjare.
Njoftimi i Ministrit të Jashtëm Francez vëren se ndër arsyet e reja ligjore për udhëtimin do të jetë fakti që një person i cili është i martuar ose ka një marrëveshje bashkëjetese me një tjetër, jeton jashtë vendit për arsye biznesi.
Pavarësisht deklaratave, Ministri i Jashtëm Francez rekomandon fuqimisht kufizimin e udhëtimeve jashtë vendit sa më shumë që të jetë e mundur.