Gjermania ka plane të lehtësojë masat anticovid para pranverës

Pacientët me simptoma të rënda të Covid-19 vazhdojnë të marrin përkujdesje intensive në rajonin gjerman të Bavarisë.

Një nga klinikat lokale të specializuara për sëmundjet e mushkërisë, ka vënë në dispozicion gjysmën e shtretërve të saj për të sëmurët me infeksionin.

“Pas infektimit nisa të shfaq problemin e gazrave midis mushkërive. Duhet ta dimë se Covid është sëmundje e rrezikshme,” tha një pacient.

ReklamëReklamo në Koha Jonë

Gjermania njoftoi të enjten se ka të dhëna inkurajuese që numri i personave të shtruar në spitale në rrezik për jetën, sa vjen e po ulet.

“Krahasuar me dhjetorin, situata është më pak serioze. Numri i pacientëve me Covid-19 në dhjetor ishte shumë më i lartë,” tha Dr. Lorenz Nowak i Kujdesit Intensiv.

“Problemi më urgjent tani është efekti i izolimit nga variantet e reja të koronavirusit,” tha Dr.Wolfgang Gesierich.

Ministri gjerman i Shëndetësisë, Jens Spahn, informoi se mund të lehtësohen masat anticovid përpara pranverës.

Nga nëntori, vendi ka mbyllur baret, restorantet dhe hapësirat kulturore e sportive, ndërsa pas shkollave, në janar aplikoi edhe rregulla më të rrepta për maskat.

“Nuk mund të qëndrojmë gjithë dimrin të izoluar. Nuk do e toleronim aspak mirë si shoqëri,” tha Spahn.

Gjatë ditës, Gjermania raportoi mbi 14 mijë raste të reja me koronavirus, ndërsa më shumë se 780 jetë të tjera të humbura e afruan në 60 mijë bilancin total të viktimave.