Komiteti për menaxhimin e pandemisë në Kosovë, i ka rekomanduar qeverisë lehtësimin e masave anti-covid. Në rast të miratimit të masave sipas rekomandimit të komitetit nga dita e shtunë qytetarët që hyjnë në territorin e Kosovës do të mjaftohen me dy doza të vaksinës.
Në rast se posedojnë një dozë atëherë nevojitet edhe testi negativ PCR. Ora policore parashihet të jetë nga ora mesnata deri në 5 të mëngjesit. Ambasadori i Shqipërisë në Kosovë, Qemajl Minxhozi thotë të jetë i kënaqur me shqyrtimin e këtyre masave.
Ai ka përmendur faktin që gjatë gjithë periudhës së pandemisë, banorët e rrethit të kufirit nuk janë ndaluar dhe janë trajtuar në spitalet rajonale të Prizrenit e Gjakovës. Ashpërsimi i masave erdhi pas numrit të madh të të prekurve me variantin ”Omicron” të Covid-19.
