Australia si duket po i tregon botës sesi mund të luftohet koronavirusi në mënyrë sa më eficente. Kjo pasi vendi po sheh një ulje të konsiderueshme të numrit të të infektuarve ndërsa numri i vdekjeve është i ulët.
Gjithsesi, një pjesë e suksesit mund t’i atribuohet fatit të mirë. Në një kohë kur shumica e vendeve lindore po numërojnë me mijëra viktima, Australia deri më tani ka pasur vetëm 51 vdekje.
Shifrat mbeten të ulëta po të marrësh parasysh që kemi të bëjmë me një vend që ka një popullsi prej 25 milionë banorësh dhe rastin e parë me Covid-19 e ka regjistruar më 25 janar.
Ndërsa asnjë vend nuk është duke shpallur fitoren akoma, Australia ka arritur të rrafshojë kurbën famëkeqe. Numri i të infektuarve e arriti pikun më 28 mars kur raportoi 460 të infektuar dhe prej atëherë ka pasur rënie dita ditës.
Ekspertët Australianë të Shëndetit thonë se shkalla e infeksionit në vend ka qenë e qëndrueshme për shkak të testimeve të bëra në masë, gjurmimit të transportuesve, izolimit të vetë atyre që janë në rrezik dhe rregullave të distancimit social të zbatuara në mënyrë rigoroze.
Sigurisht, numri i pacientëve të infektuar të regjistruar në çdo vend është i kufizuar në sa prej transportuesve të tij janë kontrolluar në të vërtetë për sëmundjen. Por, me një sistem të fortë ekzistues të shëndetit publik, Australia ka një nga regjimet më gjithëpërfshirëse të testimit COVID-19 në botë.
/abcnews.al/