Ish-presidenti amerikan dhe kandidat për zgjedhjet presidenciale të 2024, Donald Trump është deklaruar i pafajshëm ndërsa doli përpara gjykatësit Juan Merchan në Manhattan.
Ndaj ish-presidentit rëndojnë 34 akuza për falsifikim të të dhënave të bizneseve për hetimin në lidhje me pagesat e bëra ndaj pornostares Stormy Daniels.
I veshur me një kostum ngjyrë blu të errët dhe një kollare të kuqe, 76-vjeçari Trump, siç raportohet nga mediat, nuk shfaqi asnjë emocion në fytyrë ndërsa përshëndeste një turmë mbështetësish që qëndronin jashtë gjykatës.
