Ministri i Jashtëm i Iranit, Abbas Araghchi thotë se Ngushtica e Hormuzit mbetet e hapur për lundrim, por jo për vendet që ai i konsideron armiq të Iranit.
Sipas tij, pas 15 ditësh përplasje, vendet kundërshtare po kërkojnë ndihmë nga shtete të tjera për të garantuar sigurinë e kësaj rruge të rëndësishme detare. Ai theksoi se këto janë po ato vende që më parë i cilësonin si armiq.
“Ngushtica është e hapur nga këndvështrimi ynë, por është e mbyllur për armiqtë tanë dhe për ata që ndërmorën këtë agresion frikacak kundër nesh, si dhe për aleatët e tyre,” u shpreh Araghchi.
Ministri iranian shtoi gjithashtu se sulmet e ndërmarra nga Shtetet e Bashkuara dhe Izraeli, sipas tij, nisën një konflikt që kishte si qëllim detyrimin e Iranit për një dorëzim të pakushtëzuar.