Mjekët e parë nga Kina zbarkuan në aeroportin “Malpensa” të Milanos.
Bëhet fjalë për shtatë mjekë dhe tre teknikë dhe infermierë që u larguan nga Shanghai gjatë ditëve të fundit.
Me ta gjithashtu mbërritën 20 ton materiale mjekësore. Pas mbërritjes së tyre, ekspertët kinezë hapën një pankartë me mbishkrimin: “Grup ekspertësh mjekësorë nga Kina kundër epidemisë në Itali”.
Për t’i mirëpritur kishte dalë nënkryetari i rajonit të Lombardisë, Fabrizio Sala.