Papa Françesku nisi sezonin e zymtë festiv, me një vizitë të pa lajmëruar në një prej atraksioneve më të famshme të Romës, Shkallët Spanjolle. Pasi u deturua të anulojë ceremoninë vjetore publike, për shkak të koronavirusit, kreu i Selisë së Shenjtë mbërriti ende pa zbardhur dita, pranë statujës 12 metra të lartë të Shën Mërisë, ku vendosi një shportë me lule.
Eventi që tradicionalisht zhvillohet pasditen e 8 dhjetorit, me pjesëmarrjen e mijëra njerëzve, konsiderohet si fillimi i sezonit të Krishtlindjeve. Gjatë ndalesës 14-minutëshe, pranë statujës në Piazza di Spanga, Papa u lut për qytetin dhe për të gjithnjë njerëzit rreth botës që janë prekur nga Covid-19, sic njoftoi Vatikani.
83-vjeçari nuk e hoqi maskën as gjatë lutjeve dhe e mbante vetë çadrën për t’u mbrojtur nga shiu. Më pas, ai iu drejtua Bazilikës së Santa Maria Maggiore, ku mbajti një Meshë pa prani të publikut.
Këto ishin aktivetetet e para papnore në prag të festës së Krishtlindjeve. Vetëm një numër i kufizuar njerëzish do të lejohen në Sheshin Shën Pjetër për meshën e Krishtlindjeve, e cila do të shfaqet live në televizion dhe internet. Do të kufizohet gjithashtu pjesëmarrja e publikut gjatë mesazhit Urbi et Orbi, paraditen e 25 dhjetorit.