Rastet e shfrytëzimit seksual, të cilat përfshijnë njerëz ë kapur në shtëpi publike dhe të detyruar për prostitucion, janë rritur me 1/4 në vitin 2020, krahasuar me 2019. Gati 1/4 e rasteve përfshijnë fëmijë.
Shfrytëzimi kriminal, i cili përfshin vjedhje të detyruar të dyqaneve dhe lypje të detyruar, u rrit me 42%, dhe një nga 5 viktima thuhet të jetë i mitur. Dhjetëra raste iu referuan aktivitetit të lidhur me drogën që përfshinte bandat, ku të rinjtë përdoren për të transportuar drogë dhe para.
Analiza nga vlerësimi vjetor i linjës moderne të ndihmës për skllavërinë tregon se fëmijët janë më të përfshirë se kurrë, informon abcnews.al.
Statistikat, të cilat përfshijnë të dhëna për çdo zonë policore të Mbretërinë e Bashkuar, përdoren për të hedhur dritë mbi dinamikën dhe shtrirjen e skllavërisë moderne.
Të martën e kaluar, më shumë gra rumune u shpëtuan nga policia gjatë një serie bastisjesh në Londrën perëndimore në një rrjet të dyshuar të trafikimit seksual.
Më pak se 24 orë më vonë, 11 anëtarë të dyshuar të një rrjeti droge u arrestuan për trafik njerëzor dhe vepra të skllavërisë moderne, në jug të kryeqytetit.
Operacioni i mëparshëm bëri që një detektiv i lartë i policisë Metropolitane të paralajmëronte se publiku mund të hasë viktima të skllavërisë moderne çdo ditë, por pa e kuptuar atë.
Raportet në linjën e ndihmës, që drejtohet nga shoqata anti-skllavërisë “Unseen”, treguan se rumunët përbëjnë grupin më të madh të viktimave, të ndjekur nga kinezët, shqiptarët dhe anglezët, informon abcnews.al.
Justine Currell, drejtore ekzekutive e Unseen dhe bashkëautore e vlerësimit, tha: “Një vit nga mbyllja e parë, numri i raporteve në lidhje me shfrytëzimin seksual dhe kriminal është alarmante”.
Pavarësisht nga vështirësia për të arritur viktimat, rastet e shfrytëzimit seksual u rritën nga 219 në 273 dhe rastet e shfrytëzimit kriminal u rritën nga 179 në 254.
Statistikat e fundit të Home Office tregojnë një rritje të madhe të njerëzve që hyjnë në mekanizmin kombëtar të referimit, i cili mbështet viktimat e skllavërisë moderne. Kombësitë më të zakonshme që identifikoi ishin njerëz nga Mbretëria e Bashkuar, Shqipëria dhe Vietnami./abcnews.al