Pas rënies së vazhdueshme të borës në Turqi për ditë të tëra, e ndikuar nga një valë akulli nga Siberia, shumë vende shënuan temperatura dyshifrore minus gjatë fundjavës dhe autoritetet paralajmëruan qytetarët që të mos dalin jashtë, veçanërisht të moshuarit dhe fëmijët.
Në qytetin malor Gole në Ardahan, mbrëmë u mat një temperaturë minimale prej minus 33.8 gradë dhe në fshatin Bezirhane të rrethit Vans ishte 28.7 gradë nën zero, raporton Haberler.
Në Erzurum, ku temperatura e ajrit ishte minus 27.2 gradë, gjithçka ishte e mbuluar me akull – rrugët, xhamat e automjeteve dhe ndërtesave ngrinë, kështu që shumë njerëz i mbuluan makinat e tyre me batanije.
Sipërfaqja e Kızılırmak, lumit më të gjatë në Turqi, gjithashtu ngriu.
Sipas mediave turke, temperaturat në disa provinca turke janë matur nën minus 20 gradë.
Stambolli ishte gjithashtu me borë, trafiku u ngadalësua, shkollat u mbyllën, madje edhe trafiku detar u pezullua.