Shefi i Zyrës Ovale, Donald Trump, ka njoftuar me anë të një twitteri që trupat amerikane në Afganistan të kthehen në Amerikë deri në Krishtlindje.
Duhet që grupi i vogël i djemve dhe vajzave trime amerikane në Afganistan, të jenë në shtëpi për Krishtlindje, ka shkruar shefi i shtëpisë së Bardhë.
Pas marrëveshjes me Talibanët në 29 Shkurt të këtij viti, SH.B.A-të e ulën nivelin forcave të tyre ushtarake në 8,600 trupa, ndërsa u kaloi pesë baza partnerëve të saj Afganistan.
Ndërkohë, në gusht, presidenti Donald Trump vendosi se kushtet në Afganistan ishin të atilla që të mund të ulej prania e forcave amerikane 4,000 dhe 5,000 ushtarëve deri në fund të nëntorit.
Ndihmës Sekretari i Mbrojtjes për Çështjet e Sigurisë në Indo-Paqësor, David F Helvey, u tha ligjvënësve muajin e kaluar se Pentagoni po bën një “planifikim të detajuar” për t’i tërhequr të gjitha trupat nga Afganistani deri në maj të vitit të ardhshëm.
Ky mesazh i Trumpit vjen katër javë para zgjedhjeve presidenciale të nëntorit në SHBA.
Trumpi kërkon që të mbajë premtimin e tij zgjedhor të vitit 2016 për t’i dhënë fund “luftërave të pambarimta”, sic i ka cilësuar presidenti. Angazhimi ushtarak amerikan në Afganistan filloi 19 vjet më parë pas sulmeve terroriste të 11 shtatorit 2001 dhe është bërë lufta më e gjatë e Amerikës.