Publikimi i disa fotove të një shtëpie të bardhë në një ishull të veçuar në jug të Islandës, ka bërë që të lindin shumë teori për të shpjeguar se përse dikush ka ndërtuar një banesë në atë vend shumë të izoluar, ku nuk ka asnjë ndërtesë tjetër.
Disa zëra thonë se shtëpia në Elliðaey është ndërtuar nga një miliarder, i cili ka në plan të zhvendoset aty në rast se na pushtojnë zombit. Të tjerë thonë se aty jeton i izoluar një njeri fetar. Një teori tjetër shpjegon se shtëpia është vendosur me “photoshop” në fotot e publikuara, pasi në këtë ishull nuk jeton askush që prej 300 vitesh.
E vërteta e kësaj shtëpie është shumë më pak interesante sesa teoritë mbi të. Shtëpia është ndërtuar si bazë gjuetie ndaj zogjve që hanë peshqit e ishullit. Aty qëndrojnë gjahtarët për disa orë, përpara se të kthehen në banesat e tyre.
