Kalo te përmbajtja
Koha Jone Logo
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Shqip
  • English
Lexo në app
  • Shqip
  • English
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Lajme
  • Aktualitet
  • Politikë
  • Forum
  • WebTV
  • Editorial
  • Kosova
  • Rajoni
  • Bota
  • Sporti
  • Ekonomi
  • Showbiz
  • Kultura
  • Shëndeti
  • Teknologji
  • Intervista
  • Kronikë
  • Turizëm
  • Sociale
  • Historiku
Lajmet e fundit

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by

Opsionet e pamjes

Pamje shembull E diel, 22 Nëntor 2026, 18:01 Barcelona përmbys Villarrealin 3-2 me tre gola në 10 minuta Barcelona shënoi tre gola në 10 minuta dhe përmbysi disavantazhin 0-2 për të fituar 3-2 ndaj Villarrealit, duke rikthyer epërsinë prej tre pikësh në…
Pamja e bardhë/e zezë
Madhësia e tekstit
  • Në trend
  • Qafë Thanë
  • Erion Veliaj
  • Messi
  • Grabitje Durrës
  • Xhensila Myrtezaj
  • Aksident në Fier
  • Spiropali
  • Vuçiç
Lajmet e fundit
Në trend
  • Qafë Thanë
  • Erion Veliaj
  • Messi
  • Grabitje Durrës
  • Xhensila Myrtezaj
  • Aksident në Fier
  • Spiropali
  • Vuçiç
KOHA JONË Lajmet e fundit, gjithmonë me ju
Instalo

Arsyet e ankthit të deputetëve të PD-së për “Portën e Alpeve”

Forum E enjte, 21 Maj 2026 23:11
Arsyet e ankthit të deputetëve të PD-së për “Portën e Alpeve”
Shto te burimet e preferuara

Shpërnda

Facebook WhatsApp Email X

Nga Ylli Pata

Sot në Parlamentin shqiptar u zhvillua një nga polemikat më absurde që është parë prej kohësh në sallën e Kuvendit. Ndërsa në rendin e ditës ishte një projekt zhvillimi për veriun e vendit, ku një vend të rëndësishëm zë Shkodra, deputetët e PD-së nga ky qark, por jo vetëm, pasi iu bashkuan edhe disa prej figurave më agresive të opozitës pranë Sali Berishës, u vërsulën ndaj ministrit të Infrastrukturës, Enea Karakaçi, i cili po kërkonte mbështetje për këtë nisëm zhvillimore.

Bëhet fjalë për projektin “Porta e Alpeve”, një draft që parashikon një marrëveshje kredie me dy nga institucionet më prestigjioze financiare të kontinentit: Bankën Europiane të Investimeve dhe KfW-në gjermane. Këto institucione mbështesin qeverinë shqiptare në një nismë të rëndësishme për investime infrastrukturore në zonën turistike të Shkodrës, nga Velipoja deri në Alpe.

Reklamë Reklamo në Koha Jonë
Reklamë Reklamo në Koha Jonë

Ky projekt përfshin një program investimesh publike në infrastrukturë, ku parashikohet modernizimi i transportit publik dhe lidhja organike me zonat turistike alpine, me synimin për t’i dhënë rajonit një zhvillim të qëndrueshëm dhe jo vetëm sezonal.

Megjithatë, përmasat financiare të projektit nuk duket se përbëjnë ndonjë arsye reale shqetësimi për opozitën. Në Shkodër, qeveria e Edi Ramës ka investuar mbi 1.3 miliardë euro deri më tani dhe diferenca është e dukshme. Edhe pse zilia apo frustrimi politik mund të kenë qenë të pranishme, nuk ishte parë më herët një reagim kaq agresiv.

ReklamëSwiss DigitalReklamo në Koha Jonë

Ish-kryebashkiaku i Shkodrës, sot deputet, i kërkonte garanci ministrit Enea Karakaçi, sikur të bëhej fjalë për një marrëdhënie private borxhi mes individësh dhe jo për një marrëveshje sovrane që kërkonte miratimin e Parlamentit.

Në fakt, e gjithë kjo stuhi në “gotën” e seancës parlamentare kishte një objektiv të qartë: sfidimin politik të rivalit të tyre të ri, drejtuesit politik të PS-së për Shkodrën, Enea Karakaçit.

Karakaçi ka vetëm pak muaj që ka kaluar nga një rol ekzekutiv në një figurë të rëndësishme politike, si ministër i Energjisë dhe Infrastrukturës dhe drejtues politik i qarkut të Shkodrës. Pikërisht ky ishte objektivi kryesor i sulmeve, të koordinuara politikisht nga Sali Berisha, i cili aktivizoi edhe Gent Strazimirin, përveç deputetëve të tjerë.

Mund t'ju interesojë

Elisa, Erioni, Bela e ndoshta Gysi në sfond

Elisa, Erioni, Bela e ndoshta Gysi në sfond

Para 21 orësh
Filip Çakuli: Elisa në botën e çudirave

Filip Çakuli: Elisa në botën e çudirave

21 Nëntor 2026, 15:51
Pse çmimet e ushqimeve në Shqipëri janë më të shtrenjta se në Kosovë?

Pse çmimet e ushqimeve në Shqipëri janë më të shtrenjta se në Kosovë?

20 Nëntor 2026, 17:56

Logjika e kësaj polemike ishte e dobët. Deputetët e opozitës flisnin për mungesë garancish në një marrëveshje financiare që po shqyrtohej pikërisht në Parlament për miratim. Garanci më sovrane se vota parlamentare nuk ekziston për një marrëveshje të tillë.

Thelbi ishte i qartë: deputetët e PD-së nga Shkodra, të mbështetur edhe nga kolegë të ardhur nga Tirana, u vunë në dispozicion të një beteje politike kundër drejtuesit të ri politik të Shkodrës, Enea Karakaçit.

Ky i fundit jo vetëm mbrojti efikasitetin e projektit “Porta e Alpeve” për Shkodrën dhe veriun e vendit, por foli edhe për prioritetin politik të Partisë Socialiste për ta kthyer Shkodrën në një pol të qëndrueshëm zhvillimi dhe motor ekonomik të rajonit.

Përgjigjja e ministrit ndaj deputetes Gerta Bardeli u kthye në metaforën e gjithë kësaj përballjeje. Ndaj akuzës së saj se projekti nuk kishte garanci, pavarësisht mbështetjes nga Banka Europiane e Investimeve dhe KfW-ja, Karakaçi iu përgjigj:

“Më duket e çuditshme. Ju, zonjë deputete, duhet të jeni e para që ta mbështesni këtë masë. Ky projekt shkon ekskluzivisht për qarkun e Shkodrës. Është një paketë prej 100 milionë eurosh për qarkun e Shkodrës dhe ju duhet të jeni krenare. Ju thjesht nuk e doni këtë projekt dhe e përdorni për politikë. Nëse s’jeni dakord, s’ka problem, këto investime do të vijnë.”

Përballja e Karakaçit ishte në një dimension ndryshe nga ai i politikanëve klasikë që ushqehen me polarizim. Ai zgjodhi një qasje të qetë, argumentuese dhe qytetare, duke i ftuar rivalët të mendonin për Shkodrën dhe jo për interesat e ngushta politike.

Kur deputetët e Shkodrës u dukën në vështirësi, Sali Berisha aktivizoi edhe Enno Bozdon, deputet i qarkut Berat, i cili e zhvendosi debatin tek borxhi publik. Por Karakaçi iu përgjigj duke i kujtuar se Kuvendi kishte miratuar me dhjetëra marrëveshje të ngjashme financiare.

“Sugjeroj që kush është dashamirës për qarkun e Shkodrës ta votojë këtë projekt. Keni kaluar me dhjetëra marrëveshje huaje dhe tani ngrini çështjen e borxhit publik”, tha ai.

Më pas në debat u përfshi edhe deputetja Ina Zhupa, e cila ngatërroi projektin “Porta e Alpeve” me “Paketën e Maleve”, duke përzier investimet publike me ato private.

Karakaçi iu përgjigj qetësisht: “Paketa e Maleve ka të bëjë me investime private, ndërsa këtu kemi të bëjmë me investime publike. Do të bëj maksimumin si shkodran që këto investime të realizohen sa më shpejt për qarkun e Shkodrës.”

Kur u pa qartë se debati politik nuk po prodhonte efektin e pritur, në podium doli vetë Sali Berisha, duke tentuar ta zhvendoste përplasjen në sulme personale dhe retorikë politike. Por këtë herë, strategjia nuk duket se funksionoi. Përballë një qasjeje më qytetare dhe argumentuese, opozita humbi terren në një betejë që kishte nisur për të goditur drejtuesin politik të PS-së në Shkodër, por që përfundoi duke e ekspozuar vetë atë.

Shto te burimet e preferuara

Shpërnda

Facebook WhatsApp Email X

Më të fundit

Barcelona përmbys Villarrealin 3-2 me tre gola në 10 minuta
Para 5 minutash

Barcelona përmbys Villarrealin 3-2 me tre gola në 10 minuta

BepiColombo hyn në orbitën e Mërkurit pas tetë vitesh udhëtim
Para 1 ore

BepiColombo hyn në orbitën e Mërkurit pas tetë vitesh udhëtim

Ushtria gjermane në Lituani teston dronë kamikazë dhe shënjestrim me AI
Para 1 ore

Ushtria gjermane në Lituani teston dronë kamikazë dhe shënjestrim me AI

Të ardhurat e Real Madridit kalojnë 1.2 miliardë euro
Para 2 orësh

Të ardhurat e Real Madridit kalojnë 1.2 miliardë euro

Më të lexuarat

1 Elisa Spiropali: Unë jam ajo që fryj erën, sjell shiun, lëshoj breshërin, ngre cunamin, thaj detet, rrafshoj malet…
Para 6 orësh

Elisa Spiropali: Unë jam ajo që fryj erën, sjell shiun, lëshoj breshërin, ngre cunamin, thaj detet, rr...

2 Mbyllen hetimet, dërgohet për gjykim dosja e këngëtares Xhensila Myrtezaj
Para 6 orësh

Mbyllen hetimet, dërgohet për gjykim dosja e këngëtares Xhensila Myrtezaj

3 A do të shpallet me 28 Nëntor Lëvizja Studentore Kombëtare si forcë politike?
21 Nëntor 2026, 15:12

A do të shpallet me 28 Nëntor Lëvizja Studentore Kombëtare si forcë politike?

4 Erion Veliaj shkarkon dy drejtorë të Bashkisë si njerëz të Ramës
Para 19 orësh

Erion Veliaj shkarkon dy drejtorë të Bashkisë si njerëz të Ramës

Koha Jone Logo

E përditshme, e pavarur

  • Të fundit
  • Lajme
  • Aktualitet
  • WebTV
  • Rajoni
  • Bota
  • Sporti
  • Showbiz
  • Politikë
  • Forum
  • Kultura
  • Shëndeti
  • Editorial
  • Kronikë
  • Teknologji
  • Ekonomi
  • Turizëm
  • Sociale
  • Reklamo në Koha Jonë
  • Kontakt
  • Privacy Policy
Download on the App Store Get it on Google Play

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by
  • BOTUES & DREJTOR: Nikoll LESI
  • KRYEREDAKTOR: Daniel MUÇAKU
  • ZV/KRYEREDAKTOR: Redjon SHTYLLA
  • BORDI: Elsa KAMBERI, KRYETARE
  • NIPT: J71425013C

© 2026 KOHA JONE. All rights reserved.