Një tjetër deputet i Kuvendit të Kosovës, Abelard Tahiri ka rezultuar pozitiv me koronavirus. Lajmin e ka dhënë vet deputeti i PDK-së përmes një postimi në rrjetet sociale.
Ish-ministri i Drejtësisë, Tahiri shkruan se edhe pse është përpjekur që të tregohet i kujdesshëm, ka rezultuar pozitiv me virusin. Ai njofton po ashtu se është mirë dhe se përveç simptomave të zakonshme, nuk ka ndonjë vështirësi të theksuar në përballimin e virusit.
Postimi:
“Përkundër faktit se jam përpjekur të jem i kujdesshëm, duke mos anashkaluar rekomandimet, dua t’ju njoftoj se pas testimit për COVID-19, kam rezultuar pozitiv. Aktualisht, jam mirë dhe përveç simptomave të zakonshme, nuk kam ndonjë vështirësi të theksuar në përballimin e virusit. Gjatë kësaj periudhe të vetë-izolimit, do t’u përmbahem rekomandimeve të OBSH-së dhe mjekëve tanë. Ju ftoj edhe juve t’u përmbaheni rekomandimeve për ruajtjen dhe mbrojtjen e shëndetit tuaj dhe njerëzve të afërt në këtë periudhë aspak të lehtë në të cilën po kalojmë si vend.”