Kuvendi i Kosovës mbajti një minutë heshtje në homazh të senatorit amerikan, Bob Dole, i cili humbi jetën nga sëmundja e rëndë.
Të gjithë deputetët e pranishëm në sallë u çuan në këmbë, me përjashtim të ligjvënësve të Listës Serbe, të cilët qëndruan ulur. Kërkesa për një minutë heshtje në nder të senatorit Dole u bë nga kryeparlamentari, Glauk Konjufca, i cili e konsideroi atë një mik të madh të Kosovës.
Pas nderimit të Bob Dole, deputetët iu rikthyen zhvillimit normal të seancës parlamentare. Gjatë punimeve, ligjvënësit miratuan dhe dy marrëveshje ndërkombëtare.
