Një ngjarje e rëndë është shënuar këtë të diel në komunën e Klinës, ku një grua është gjetur e mbytur në lumin Lumbardh. Ngjarja ka alarmuar banorët e zonës dhe ka vënë në lëvizje menjëherë strukturat policore dhe mjekësore.
Lajmi është konfirmuar nga Policia e Kosovës për rajonin e Pejës. Sipas zëdhënësit të policisë, trupi i pajetë është lokalizuar rreth orës 13:30 në fshatin Grabanicë. Viktima është gjetur rreth 13 kilometra larg urës së fshatit, ndërsa ekipi mjekësor në vendngjarje ka konstatuar vdekjen.
Po ashtu, policia ka bërë të ditur se familjarët e gruas e kishin raportuar zhdukjen mbrëmjen e së shtunës, pasi ajo ishte larguar nga shtëpia dhe nuk ishte kthyer. Kërkimet kanë vijuar gjatë natës dhe ditës së diel, derisa trupi është gjetur në lumin Lumbardh.
Aktualisht, policia ka nisur hetimet për zbardhjen e rrethanave të ngjarjes. Pritet që autopsia të përcaktojë shkakun e vdekjes dhe nëse bëhet fjalë për aksident, vetëvrasje apo ndonjë dyshim për veprim penal.
Hetimet po zhvillohen nën drejtimin e prokurorit kompetent të Pejës