“Shqiptaret e Londres e sidomos ata që jetojnë në veri të kryeqytetit britanik, kanë një arsye me shumë për t’u gëzuar nga rezultati zgjedhjeve te 4 Korrikut në Britani.
David Lammy, i zgjedhur Minister i Punëve të Jashtme në kabinetin e ri qeverisës, prej vitit 2000 është zgjedhur si deputet i zonës se Tottenham.
Janë me qindra rastet kur David Lammy e ka patur të hapur derën si deputet për shqiptarët, duke u interesuar e derguar letra Home Office, në lidhje me problemet e tyre te emigracionit”- shkruan Muhamed Veliu, gazetar në TCH dhe që një pjesë të jetës e ka kaluar në Angli.
Në fakt shumë shqiptarë me banim në Londër kanë shkruar në profilet e tyre se është fat, edhe për shqiptarët, që David Lammy është Ministër i Jashtëm.
Qeveria e re e drejtuar nga kryeministri popullor, Keir Starmer, do të jetë më e kujdesshme dhe më afër emigrantëve, sepse ndryshe nga Konservatorët që ishin racistë, sidomos ndaj shqiptarëve, fituesit e këtyre zgjedhjeve kanë politika më njerëzore në raport me qytetarët britanikë, por edhe për emigrantët që jetojnë me korrektësi në Britani.
