JOQ është portal shumë i shikuar, ndaj ai ka përgjegjsinë e një lajmi të publikuar në web-in e tij, ku shkruan ndër të tjera se “Ditën e arrestimit të Ilir Metës që në mëngjes nga ora 6, në ambientet e hotelit ka ardhur policia me agjent civil, ku kanë kontrolluar hotelin dhe te njera nga dhomat që shikon nga rruga ka qëndruar një burrë, i cili ka filmuar arrestimin e Metës.
Ajo dhomë ka kamera nga sipër. Neve na nxorën përjashta dhe nga menaxherët jemi kërcënuar që nëse del informacioni, do na heqin nga puna.
E gjitha ka qenë e organizuar dhe policët kanë ndenjur mbi 6 orë në ambientet e hotelit.”- është ky denoncimi i mbërritur në redaksinë e JOQ i njërit prej punonjësve të Hotel Mercure në pronësi të biznesmenit Ilir Shtufi, i ndodhur pranë Kthesës së Kamzës.
Pas publikimit të lajmit, JOQ ka verifikuar burimin nga të tjera denoncime që kanë provuar fjalët e punonjësit të Shtufit.
Pak ditë më parë JOQ publikoi lidhjet e biznesmenit Shtufi me Shkëlzen Berishën dhe ortakërinë e këtyre të fundit në kullat e lejuara nga Rilindja.
Që në orët e para të mëngjesit policia dhe agjentë civilë mësynë hotelin dhe nxorën jashtë punonjësit. Ai thotë se punonjësit e hotelit u kërcënuan për të mos treguar asgjë mbi këtë ngjarje dhe u kërcënuan me largim nga puna nëse informacioni bëhej publik”-publikohet në JOQ.
JOQ ngre pikëpyetje të forta se kush ishte interesuar për këtë moment arrestimi të Ilir Metës, pse u përdor hoteli i një biznesmeni që njihet se është mik i djalit të ish-kryeministrit Berisha, pra Shkelzenit, ndërkohë që Berisha njihet si mbështetës i ish-presidentit Ilir Meta?
Çfarë loje luhet pozitë-opozitë në këtë rast?!
Nga ky publikim lindin edhe disa pyetje që duan përgjigje për të qenë të saktë në raport më atë që publikon JOQ.
Së pari, duhet verifikuar nëse hoteli nga ku është bërë filmimi a është pronë e Ilir Shtufit dhe për këtë duhet vetë Shtufi të sqarojë publikun.
Së dyti, nëse Ilir Shtufi e pranon (gjë që verifikohet edhe në Hipotekë) pyetja shtrohet pse e lejoi filmimin e momentit të arrestimit dhe çfarë detyrimi ka ndaj pushtetit të PS.
Së treti lind pyetja e natyrshme nëse pushteti bashkëpunon fshehur me njerëzit e Berishës dhe a e di ish-kryeministri demokrat këtë fakt.
Kush ishte i interesuar për momentin e arrestimit, pra ishte institucion shtetror apo privat që donte diskretitimin e Ilir Metës, ku u mor zvarrë. Apo ishte mesazh i huaj se kush shkel ligjin, kështu do të përfundojë, i tërhequr zvarrë. Apo tërheqja zvarrë mbetet paralajmërim për të tjerët në politikë?
Natyrisht që urdhër arresti do të zbatohej se nuk kishte nga shkonte, por pse aty te Kthesa e Kamzës dhe pse siç thotë JOQ u bë filmimi nga hoteli i një miku të familjes Berisha?
Ndërkohë deri tani kemi vetëm sqarimin e ministrit të brendshëm Ervin Hoxha, i cili ka reaguar menjëherë kur analistët dhe mediat folën për arrestim të dhunshëm të ish-presidentit Meta. Një sqarim nga SPAK erdhi se nuk ka marrë pjesë BKH në arrestim. BKH ose Byroja Kombëtare e Hetimi varet direkt nga SPAK.
Natyrisht që Ilir Meta do mbrohet vetë për akuzat e SPAK, porse momenti i arrestimit dhe vendi i filmimit krijojnë tablo konspirative.
PL ka deklaruar se ka emrat e atyre që e tërhoqën zvarrë dhe se do të bëjë kallzim penal, por a e di këtë fakt të portalit JOQ, partia e Ilir Metës? Se mundet të jetë hilja edhe brenda vetë kampit të opozitës, duke ia “fut” njeri tjetrit që njeri futet dhe tjetri del!
Por duhet vetë Ilir Shtufi të prononcohet të sqarojë (e mirëpresim të sqarohet) pasi akuza mbetet e rëndë ndaj tij, sipas JOQ. Sidoqoftë edhe nëse nuk flet miku i Shkelzenit ka gazetarë të njohur investigativ si Klodiana Lala, Artan Hoxha, etj që mund të japin versionin e së vertetës… Edhe të tjerë!
Përflitet se ka edhe një filmin për videon që u bë, pra që dikush me celuluar ka filmuar filmuesit…
