Autoritetet franceze po marrin masa të rrepta sigurie në Paris dhe në të gjithë vendin, duke dislokuar 22 mijë agjentë dhe xhandarë, në prag të finales së Ligës së Kampionëve mes PSG-së dhe Arsenalit këtë të shtunë. Ky mobilizim masiv vjen pas përvojës së hidhur të një viti më parë, kur festimet për fitoren e parë të Ligës së Kampionëve nga PSG-ja degjeneruan në kaos në kryeqytet dhe në pjesë të tjera të vendit, duke lënë dy të vdekur, dhjetëra të arrestuar dhe dëme të shumta në automjete e infrastrukturë urbane, si dhe përleshje me forcat e rendit.
Nga numri total i forcave të sigurisë, 8 mijë janë caktuar vetëm për Parisin dhe rajonin e tij. Objektivi kryesor është garantimi i sigurisë në zonat e parashikuara për festime. Në rast fitoreje të klubit të emirit të Katarit, tifozët pritet të mblidhen në Champs de Mars, poshtë Kullës Eiffel, simbol i kryeqytetit dhe i skuadrës së Luis Enriques. Gjithashtu, turma mund të grumbullohet edhe në Champs Elysées, të cilat do të mbyllen për trafikun për të shmangur situatat e rrezikshme.
Pjesa tjetër e qytetit do të jetë nën monitorim të vazhdueshëm nga forcat e rendit, përfshirë zonat rreth Parc des Princes, i cili do të jetë i hapur për tifozët që duan të ndjekin finalen e Budapestit në ekran të madh. Plani i sigurisë do të mbetet aktiv në Paris edhe të dielën, në rast se lojtarët do të prezantojnë trofeun në një vend ende të pacaktuar.
Marrë nga La Gazzetta dello Sport