Tirana nuk ndalon. Po ndërtohen kulla të larta.
Në rrugën e Barrikadave, në krah të Malit të Tiranës do të ngrihet kulla më e lartë e Tiranës. Bëhet fjalë për një kullë 100 kate të projektuar nga arkitekti kilen Alejandro Aravanea dhe studioja e tij Elemental Studio.
Kulla do të ndërtohet nga dy kompani shqiptare. Delta e Luan Muçës dhe Techno Alb e Dajlan Avdiajt sipas medias Kapital. Ky i fundit njihet si një nga pronarët e ish kompanisë Apex dhe biznesmeni që ka ndërtuar Kullat tek Sahati dhe pallatin pas Presidencës.
Një ditë më parë në ambientet e një hoteli të njohur në Tiranë u zhvillua konkursi për përzgjedhjen e projektit të kullës me praninë e kryeministrit Edi Rama. Në garë morën pjesë 4 projekte nga studio të huaja arkitekturore dhe në fund u përzgjodh projekti i Aravaneas.
Kulla e re ka formën e dy gishtave. Lartësia e saj e bën hotelin Intercontinental pas 15 katëshit, Tirana Rock, Malin e Tiranës, hotel Plazën të duken si godina të vogla.
Bëhet fjalë për një kullë, e cila fillimisht u propozua të ishte 350 metër e lartë, por që më vonë është rënë dakord të ulet në 300 metra.
Kulla më e lartë në botë është në Dubai, lartësia 829. 8 metra ose qiellgërvishtës Burj Khalifa. Burime jo të konfirmuara thonë se po negociohet që në Tiranë të shikohet mundësia për ta kaluar qiellgërvishtësin e Dubait. Po mendohet për një kullë afro 840 metra në Tiranë.
