Presidenti Meta dhe kreu i shtetit bosnjak, Xhaferoviç, në konferencë të përbashkët shtypi: Duhet të fuqizojmë bashkëpunimin ekonomik
Presidenti Ilir Meta ka pritur mëngjesin e sotëm në Presidencë kreun e shtetit të Bosnjë-Hercegovinës, Shefik Xhaferoviç, i cili do të jetë në Shqipëri për një vizitë dyditore.
Presidenti Meta dhe homologu i tij bosnjak kanë dalë në një konferencë të përbashkët shtypi.
Në fjalën e tij, Presidenti boshnjak Xhaferoviç ka thënë se duhet Bosnja e Shqipëria kanë marrëdhënie dypalëshe të mira, por duhet të fuqizojnë edhe më tej bashkëpunimin ekonomik.
Ndërsa kreu i shtetit Ilir Meta, ndër i beri thirrje qeverisë se duhet të hapë ambasadën shqiptare në Sarajevë përpara 25 prillit.
Më tej, Presidenti Meta tha se ka folur me homologun boshnjak për të gjitha çështjet e marrëdhënieve dypalëshe, por edhe në rrafshin rajonal.
Mes të tjerash, Kreu i Shtetit Shqiptar theksoi se Shqipëria do vijojë të mbështesë fuqishëm Bosnje-Hercegovinën në të gjitha proceset evropiane dhe euro-atlantike.
“Republika e Shqipërisë dhe Bosnjes janë të lidhura me marrëdhënie të mira, nuk kemi çështje të hapura mes nesh. Jemi të lidhur me aspiratat tona euro-atlantike, dhe për të zhvilluar rajonin e Ballkanit Perëndimor.
Marrëdhëniet dypalëshe janë miqësore. Mund të bëjmë më mirë, të përmirësojmë, dhe besoj se s’kemi përdorur të gjitha mundësitë për të rritur bashkëpunimin.
Ndoshta është fakti se Bosnjë-Hercegovina aktualisht është pa një ambasadë në Tiranë, dhe e njëjta gjë edhe Tirana s’ka ambasadë në Sarajevë.
Presidenca e Bosnjes mori vendim për të hapur ambasadë në Tiranë. Dhe besoj që ky akt do të ndihmojë e përmirësojë marrëdhëniet. Presim që Shqipëria të bëjë të njëjtën gjë për ambasadën.
Shkëmbimi tregtar, marka boshnjake nuk është afër mundësive tona. Duhet të fuqizojmë bashkëpunimin në bujqësi, prodhimit ushqimor, energjisë elektrike, ndërtim dhe fusha të tjera. Bosnja ka treguar se me investimet e kompanive boshnjake këtu në Shqipëri janë të afta për projekte të mëdha. Mundësitë në turizëm janë të mëdha. S’janë përdorur në potencialin më të madh.
Ka shumë çështje të tjera që kemi diskutuar gjatë takimit, dhe pas kësaj vizite pa ftesës nga z/Meta. Ju falënderoj shumë se i keni dhënë Bosnjes statusin e minoritetit. Boshnjakët e respektojnë këtë vend, ku jetojnë. Ata respektojnë shtetin nga i cili kanë ardhur. Duan ta ruajnë identitetin e tyre. Vijoni të zhvilloni marrëdhënien, se do jetë kënaqësi për gjithë ne. Uroj Shqipërinë që bashkë me Maqedoninë e Veriut do hapin negociatat. Dhe kjo është shumë e rëndësishme Integrimi i gjithë Ballkanit Perëndimor duhet të vijë në vend të parë për Bosnje-Hercegovinën. Mbështesim dialogun mes Beogradit dhe Prishtinës. Të kemi një zgjidhje të pranueshme, dhe Bosnje-Hercegovina respekton iniciativat që respektojnë integritetit territorial”, tha Presidenti boshnjak Xhaferoviç.
“Pavarësisht rrethanave të pandemisë, kryetari ishte i angazhuar për të zhvilluar këtë vizitë. Gjatë takimit diskutuam për të gjitha çështjet e marrëdhënieve dypalëshe, si dhe në rrafshin rajonal. Ramë dakord që marrëdhëniet të forcohen me një ritëm të ri, në mënyrë që të bashkojmë përpjekjet jo vetëm mes dy vendeve, por edhe në vendet e rajonit, që t’u japim të rinjve një të ardhme më të shpejtë evropiane.
Dialogu shumë i mirë politik, që kemi pasur në nivel presidencial, besojmë se do të nxitet edhe në të gjithë nivelet e tjera. Në mënyrë të veçantë të rrisim shkëmbimet ekonomike dhe tregtare, si dhe të bashkojmë përpjekjet mes dy vendeve për të përmirësuar infrastrukturën. Konfirmova me kënaqësi rritjen e numrit të vizitorëve nga Bosnje-Hercegovina, por do na duhet të nxisim më shumë mekanizmat për të rigjallëruar ekonomitë tona.
Ne jemi dy vende që do të përfitojmë nga një mbështetje afatgjatë nga BE, nëpërmjet planit evropian për ekonominë, që do të shpallet pas dy ditësh. Shqipëria ka qenë gjithmonë në krah të Bosnje-Hercegovinës dhe do vijojë të mbështesë fuqimisht këtë vend në proceset evropiane dhe euro-atlantike”, tha Meta.
Më tej, Presidenti Meta shtoi: S’kam qenë dakord për mbylljen e ambasadës së Shqipërsë në Sarajevë. Shqipëria duhet ta japë rolin për stabilitet e paqe në rajon. Bosnja është shtet shumë i rëndësishëm, dhe Shqipëria respekton sovranitetin dhe integritetin e Bosnjes, dhe madje kemi dhe komunitet shqiptar aktiv aty.
Kemi kaq shumë mundësi, dhe qëllime të përbashkëta sa duhet të ecim me një rritëm në konkretizimin e marrëdhënieve.
Shpresoj që qeveria të hapë para 25 prillit, sepse pas 25 prillit do të hapet patjetër ambasadë në Sarajevë.