Sot kemi ditë zgjedhjesh parlamentare, por edhe dita e përvjetorit të 34-të të themelimit të gazetës legjendare KOHA JONE.
Gazeta “Koha Jonë” është e para gazetë e pavarur dhe private në Shqipëri, e cila është themeluar me datë 11 Maj 1991 në qytetin e lashtë të Lezhës. Themelues i saj është Nikoll Lesi. Gazeta filloi botimin një herë në javë si gazetë lokale e rrethit të Lezhës, duke u kthyer brenda një viti në një gazetë të kërkuar e ku në vitin 1994 u bë gazeta më e madhe, e përditshme e Shqipërisë dhe arriti kulmin në ngjarjet e vitit 1997 në 100 mijë kopje të shitura në ditë.
Gazeta u bë me stafin më kurajoz e profesionistë në vend. Periudha më e vështirë, por më e sukseshme e kësaj gazete, mbeten vitet 1992-1997, ku jo vetëm ishte një gazetë profesioniste e kurajoze, por edhe u shndërrua në një universitet të medias shqiptare.
Ndaj gazetës “Koha Jonë” pati arrestime të kryeredaktorit dhe zv/kryeredaktorit të saj, ndjekje penale kundrejt drejtorit dhe rrahje e burgosje të gazetarëve nga pushteti i kohës. Me 1 nentor 1995 vendosen tritol në apartamentin e Nikoll Lesit, duke rrezikuar familjen e tij, e kjo si shenjë presioni e hakmarrje nga SHIK-u dhe pushteti i kohës.
Kulmi arriti natën e 2 mars 1997 kur forcat qeveritare qëlluan me armë dhe dogjën krejt redaksinë e gazetës “Koha Jonë”, ajo nuk doli në treg për 40 ditë.
Pa gazetën KOHA JONE të periudhës 1992-1997 nuk dihet se si do të ishte fati i Shqipërisë ose me saktë analistët me të njohur theksojnë se nuk mund të kuptohet qartë historia e vendit pa këtë gazetë e cila bëri histori, duke hyrë në HISTORI.
Ndërkohë ndër vitet 2003-2005 gazeta KOHA JONE bëri një betejë epokale kundër kryeministrit të kohës, Fatos Nano, i cili kërkoi arrestimin e botuesit të gazetës, Nikoll Lesi, por botuesi e fitoi betejën mediatike e ligjore me kryeministrin socialist.
Në “KOHA JONË” kanë shkruar emrat më të mëdhenjë të medias shqiptare: Nikoll Lesi, Martin Leka, Aleksandër Frangaj, Ben Blushi, Frrok Çupi, Teodor Keko, Armand Shkullaku, Andi Bushati, Blendi Fevziu, Edi Rama, Fatos Lubonja, Enton Abilekaj, Sokol Balla, Filip Çakuli, Arian Çani, Mimoza Dervishi, Adi Krasta, Mimoza Picari, Emin Barçi, Rezart Xhaxhiu, Anila Basha, Henri Çili, Rudina Xhunga, Arta Marku, Jonila Godole, Lorenc Vangjeli, Skender Minxhozi, Bledar Zaganjori, Mentor Kikia, Keida Kostreci, Andi Bejtja, Alfred Peza, Anila Jole, Aleksandër Çipa, Juli Krisafi, Eriona Shehu, Fatos Baxhaku, Arban Hasani, Ilir Babaramo, Esmeralda Gjoka, Vladimir Prela, Gent Shkullaku, Fatmir Meneri, Edi Lesi, Ylli Pata, Alban Dudushi, Sokol Bregu, Anila Denaj, Roland Qafoku, Gerti Çarçani, Artan Hoxha, Arben Rrozhani, Mikel Janku, Zef Shtjefni, Marash Mirashi, Gavrosh Levonja, Gezim Nushi, Tritan Kokona, Auron Sulo, Zamir Alushi, Arben Vata, Erli Murati, Ilir Gjoni, Xhovani Shyti, Enkel Demi, Tonin Çobani, Alfons Zeneli, Marash Mirashi, Edmond Kaçeli, Vera Ivanaj, Ylli Dylgjeri, Dritan Kaba, Agim Xhafka, Milto Baka, Vehab Kaba, Adriatik Dosti, Eglantina Nasi, Edmond Arizaj, Manjola Zeka, Roland Zili, Urim Bajrami, Agim Neza, Qamil Xhani, Albina Gjergji, Herion Mesi si dhe të tjerë.