“Harmonia dhe toleranca fetare nuk duhet të mbetet vetëm midis komuniteteve fetare, por për të gjitha grupet dhe komunitetet në shoqëri”,-u shpreh Komisioneri për Mbrojtjen nga Diskriminimi, Robert Gajda në takim me Arqipeshkëvin e metropolit Tiranës dhe Durrësit, Imzot George Frendo. Komisioneri Gajda e njohu kryetarin e Konferencës Ipeshkvnore të Shqipërisë Frendo me aktivitetin e KMD dhe me raste të ndryshme të diskriminimit për fetare, racore, etnike, etj. Po ashtu, Komisioneri Gajda kërkoi bashkëpunimin me Komunitetin katolik për ekspozimin e diskriminimit me bazë fetare, si dhe luftën kundër gjuhës së urrejtjes dhe paragjykimeve dhe stereotipeve kundrejt komuniteteve por dhe nga vetë komunitetet.