Dy çmime Nobel në letërsi do të jepen këtë vit për të kompensuar mungesën në vitin 2018.
Nobeli i vitit të kaluar u ndalua për herë të parë që nga viti 1949, pasi Akademia Suedeze, institucion që zgjedh fituesit, u godit nga një skandal seksual i pahijshëm, pasi bashkëshorti i një anëtareje ishte dënuar për përdhunim.
Pas një takimi të martën, Fondacioni Nobel, njofton se këtë vjeshtë do të jepen dy çmime Nobel, për vitin 2018 dhe 2019, si dhe me këtë hap kërkon të vendosë standarde sa i takon rregullave dhe raporteve me besimin e publikut.
Ndryshimi më i rëndësishëm i çmimit është emërimi i pesë anëtarëve të pavarur dhe të jashtëm, të cilët do të ndihmojnë Akademinë Suedeze për të zgjedhur laureatët “për vitet e ardhshme”. Si zgjidhet fituesi ka qenë prej kohësh një sekret i ruajtur nga afër: ajo që dihet është se rreth 200 nominime shqyrtohen nga Akademia në shkurt, me një listë të ngushtë të vendosur deri në maj dhe pesë autorët e fundit studiohen gjatë verës. Arkivat e detajuara për arsyetimin e jurisë hapen vetëm 50 vjet pas dhënies së çmimit.
Sekretari i përhershëm i Akademisë Suedeze, Anders Olsson, njoftoi shtyrjen e çmimit të marsit të kaluar, duke thënë se organizata duhet të përqendrohet në “rikuperimin e besimit të publikut” për shkak të trajtimit të një serie akuzash për sulme seksuale .
Shkrimtari britanik Kazuo Ishiguro ishte fituesi i fundit, në vitin 2017.