Padyshim ndryshimi i parë dhe i dukshëm që ka një kapuçino nga një ekspres është qumështi që ka i pari. Por kjo nuk është e vetmja. Në fakt ka një tjetër që është ‘i fshehtë’ dhe pothuajse askush nuk e di.
Pra, a e dini se është vërtetuar shkencërisht se kapuçino është më i vështirë për tu derdhur sesa ekspresi? Një studim shkencor filloi kur një barist i tha një studiuesi se kafeja latte nuk ka nevojë për kapak për t’u derdhur në rrugë. Një studim ndërkombëtar zbulon pse pijet me shkumë derdhen më vështirë kur tundni filxhanin: disa shtresa flluskash anulojnë lëvizjen e lëngut dhe mbajnë pijen në vend.
Kolegët e studiuesit në Qendrën Kombëtare për Kërkime Shkencore të Francës vëzhguan një fenomen të ngjashëm me një pije tjetër të gazuar dhe nuk është askush tjetër përveç birrës. Studiuesit transferuan vëzhgimet e tyre në laborator. Ata bënë një enë të qartë drejtkëndëshe, të cilën e mbushën me ujë, detergjent larës enësh dhe glicerinë, një substancë që e bëri tretësirën pak më të trashë. Një shiringë e vendosur në fund të kontejnerit futi ajrin në tretësirë dhe krijoi flluska me diametër 3 mm, të cilat formonin shtresa uniforme në sipërfaqe. Studiuesit eksperimentuan me dy lloje lëvizjesh, një lëkundje të shpejtë të anëve dhe një lëvizje ritmike, të ngadaltë. Ata regjistruan lëvizjen me një aparat fotografik me shpejtësi të lartë dhe zbuluan se pesë shtresa flluska ishin të mjaftueshme për të zvogëluar lartësinë e valëzimit me dhjetë herë.
Rezultatet treguan sipas ekipit hulumtues që shkuma shpërndan energjinë e valëzimeve përmes fërkimit me muret e kontejnerit./abcnews.al